...
يالله حيهم .. أخيراً تهورتوا وبتسجلون معنا ..
فيه شوية شروط .. لازم الكل يتقيد فيها .. واللي اوله نور اخره شرط ..

...

اولاً - التسجيل لابد يكون ببريد رسمي ..


ثانياً - لك الحق بإختيار اسمك للمشاركة معنا ..

لكن ابتعد عن الاسماء الغير مفهومة او مشابهه لأشخاص  يكتبون معنا في المنتدى ..


ثالثاً - حاول قدر الإمكان .. الإبتعاد عن الردود البايخه " يسلمو وتقبل مروري " وطقتها .. لتثبت تميزك معنا ..

وغير كذا .. عشان كثرت هالنوعيه من الردود .. تعرض عضويتك للإيقاف

ترى ما نلعب ..


رابعاً - اذا ما تبي تتفاعل معنا .. اقضب الباب ولا تكمل تسجيل .. المنتدى ومتفوح لزوار ما يحتاج تسجل ..

همآني قايلكم ما نلعب ؟



خامساً - بما أن المنتدى ديموقراطي وفيه " حريه " بإمكانك تطلب وتقترح على راحتك..

بقسم الإقتراحات .. لكن لا تجيب اقتراح زي وجهك .. ترى بتنجلد ..

قايلكم ما نلعب



سادساً - لا اشوف احد يتميلح بالخاص ويسوي لي في امها ذرب .. وبرى المنتدى شيطاني ..

تبي قِلة حياء برى المنتدى ماهو عندي .. << قايلكم ما نلعب



سابعاً - لا اشوف احد راز ايميله بتوقيعه ممنوووووع .. اللي يبيك يعرف شلون يجيب ايميلك

غير كذا مافيه خل ايميلك لك

ثامناً - ما تقدر تستخدم الرسائل الخاصة الا بعد 700 مشاركة ..

ومن الآن نعطيكم خبر .. 

تاسعاً - ولا تقدر تستخدم رسائل الملف الشخصي إلا بعد 103 مشاركات ..

وبالأخير .. دووكم ( )
...